ලීක්ස් වගාව සඳහා කෘෂිකාර්මික උපදෙස් ලබාගන්න
ලීක්ස්
ඇලියම් ඇම්පෙලෝප්‍රසම්
කල්ටිවාර් පෝරම් -Allium ampeloprasum cv Porrum
කුලය - ඇලියේසි
ලීක්ස් අයත් වන්නේ ලූණු අයත්වන ඇලියේසි කුලයටමය. නමුත්
මෙම බෝගයේ ප්‍රධාන වෙනස වන්නේ එහි බල්බ නොසෑදීමයි. අප රටේ විවිධ ආකාරයට ලීක්ස්
ආහාරයට ගන්නා නිසා එය හැම විටම වෙළඳපොලෙහි සැලකිය යුතුය මිළකට අලෙවි වේ. කෙසේ වුවද
ලූණු වර්ගවල මිළ සෑහෙන ඉහළ මට්ටමක පවතින අවස්ථා වලදි, ලූණු සඳහා ආදේශකයක් ලෙසද
ලීක්ස් භාවිතා කිරීම ශ්‍රී ලාංකිකයන් අතර ජනප්‍රිය පුරුද්දක් වී තිබේ.
දේශගුණික අවශ්‍යතා
ලීක්ස් වගාව සඳහා වඩා සුදුසු වන්නේ අප රටේ උඩරට ප්‍රදේශයයි.
උඩරට තෙත් කලාපයට හා අතරමැද කලාපයට අයත් නුවරඑළිය හා බදුල්ල දිස්ත්‍රික්ක වල පවතින
සිසිල් කාලගුණික තත්ව යටතේ මෙම බෝගය හෝඳින් වර්ධනය වේ.
පස
කාබනික ද්‍රව්‍ය බහුලව අඩංගු වන සාරවත් පස් බෝගය සඳහා
වඩාත් සුදුසුය. පසෙහි තිබිය යුතු යෝග්‍යතම පී.එච්.අගය 5.0-6.00 වේ.
නිර්දේශිත ප්‍රභේද
ලාජ් ලෝංග් සමර් - මෙම ප්‍රභේදය පත්‍ර පටුය. දිගුය.
සෘජුව පිහිටා ඇත. තද නිල් - කොළ පැහැතිය. කඳ, ලා කොළ - සුදු පැහැතිය.
බීජ අවශ්‍යතාවය
හෙක්ටයාරයකට ග්‍රෑම් 3750
තවාන් පාලනය
බිම පෙරළා ඉතා හොඳින් සියුම්ව පස සකසා ගන්න. හෙක්ටයාරයක්
සඳහා මීටර් 3ක් දිග, මීටරයක් පළල හා සෙ. මී.20 පමණ උස පාත්ති 200-225 අවශ්‍ය වේ.
මෙම පාත්ති වලට හොඳින් දිරාපත්වු ගොම පොහොර සැලකිය යුතු
ප්‍රමාණයක්ද ත්‍රිත්ව සුපර් පොස්පේට් ස්වල්පයක්ද බැගින් දමා පස සමඟ කළවම් කරන්න.
පසෙහි පී.එච් අගය 5 ට වඩා අඩු වූ විටදි නිර්දේශිත අන්දමට
පසට හුණු යොදන්න. උදා : පී.එච් අගය 4.9 වන විටදි අළු හුණු කි.ග්‍රෑ.1200
හෙක්ටයාරයට යෙදිය යුතුය. හුණු යෙදීම කළ යුත්තේ බීජ වැපිරීම සති 03කට පමණ පෙරදිය.
තවාන් දැමිය යුතු කාලය
උඩරට තෙත් කලාපය - වසර පුරාම
උඩරට අතරමැදි කලාපය - ඔක්තෝබර් - නොවැම්බර්
සියුම් මතුපිටක් සිටින සේ සකසා ගත් තවාන් පාත්ති වල
එකිනෙකට සෙ.මී. 15 පරතරයකින් වූ පේලි දිගේ බීජ දැමීම හෝ වැපිරීම කළ හැකිය. බීජ
දැමීමෙන් පසු තුනී පස් තට්ටුවකින් වසන්න.
තවානට අවශ්‍ය වන පරිදි තෙතමනය ලබා දෙන්න. තාවන් පැල වලට
උදය පාන්දරින් පත්‍රවල පිණි සේදි යන පරිදි ජලය සපයන්න. තවානේ වල් පැල හා කෘමි රෝග
ආදිය පාලනය කර ගැනීම කෙරෙහිද සැළකිලිමත් වන්න. පැල කුඩා අවධියේදි කියත් පණු හානිය
වළකා ගැනීම සඳහා කාබොෆයුරාන් ස්වල්පය බැගින් පාත්ති වලට යෙදීය හැකිය.
ලීක්ස් පැල කුඩා කාලයේදි වැඩි අවධානයකින් යුතුව රැක
බලාගත යුතුය. සිටුවීමට සුදුසු තත්වයේ ඇති පැන්සලක් පමණ කඳ මහත්වූ පැල තවානෙන් ලබා
ගැනීම සඳහා මැස 2 ½ - 3 පමණ කාලයක් ගත වේ.
ක්ෂේත්‍රය පිළියෙල කිරීම
සෙ.මී.30-40 ගැඹුරට පස පෙරළා හොඳින් කැට පොඩි කර ගන්න.
හෙක්ටයාරයකට ටොන් 10-20 පමණ දිරාපත්වූ කාබනික ද්‍රව්‍ය පසට යොදන්න. පසෙහි පී.එච්
අගය 5වඩා අඩු නම් නිර්දේශිත පරිදි අවශ්‍ය වන අළු හුණු ප්‍රමාණය පසට යොදන්න. මීටර්
1.2 පමණ පළල් මීටර් 3පමණ දිග පාත්ති සකසා ගන්න. මෙවැනි පාත්ති 2750 පමණ සංඛ්‍යාවක්
හෙක්ටයාරයක වගාවක් සඳහා අවශ්‍ය වේ.
පැල සිටුවීම හා පරතරය
තවානෙහි නියම ප්‍රමාණයකට වැඩී ඇති නිරෝගි පැල ප්‍රවේශමෙන්
ගලවන්න. එකී පැලවල පත්‍ර හා මුල් කෙළවරින් මදක් කපා දමා සිටුවන්න.
පේලි අතර සෙ.මී.15 සහ පේලියක පැල අතර සෙ.මීත10 වන සේ එක්
පැලය බැගින් සිටුවන්න.
පොහොර යෙදීම
වල් පැලෑටි පාලනය
සති 2දි පාත්ති වල වැඩී ඇති වල් පැල පළමු වරට ගලවා
දමන්න. ඉන්පසු සෑම පොහොර යෙදීමකටම පෙර ද වල් පැල ඉවත් කරන්න.
පොහොර යොදන සෑම අවස්ථාවකටම පසුව ගස් අසලට පස් එකතු
කරන්න. මෙමගින් ලීක්ස් ශාකයේ දණඩ සෘජුව සහ සුදු පැහැතිව තබා ගැනීමට ද ඉඩ ලැබේ.
ජල සම්පාදනය
පැල සිටුවා දින 4 පමණ ගතවන තෙක් දිනපතා වගාවට ජලය
සපයන්න. ඉන්පසු අවශ්‍යතාවය මත දින 3-4 වරක් බැගින් ජලය සපයන්න.
මිශ්‍ර වගාවක් ලෙස
නුවරඑළීය ප්‍රදේශයේ බොහෝ ගොවීන් විසින් ලීක්ස් වගා
කරන්නේ එකම පාත්තියෙහි බීට්, කැරට්, සලාද වැනි බෝග සමග මිශ්‍ර වගාවක් ලෙසය. ලීක්ස්
වගාවෙන් අස්වැන්න ලබා ගැනීමට මාස 4 ½ -6 පමණ ගතවන නිසා
මෙමගින් වැඩි ආදායමක් මෙන්ම භූමියෙන් වැඩි ඵලදායිතාවයක්ද ලබා ගැනීමට ඔවුනට හැකිවී
තිබේ.
කෘමි පාලනය
මෑතකදි නුවරඑළිය ප්‍රදේශයට විශාල තර්ජනයක් වූ
“ලිරියොමයිසා හුඩොබ්‍රෙන්සිස්” නමැති පත්‍ර කණින්නාගේ හානිය නිසා ලීක්ස් වගාවන්ට
විශාල තර්ජනයක් ඇතිවී තිබේ. ඇලෙන සුළු ද්‍රවයක් තැවරූ කහ පැහැති පොලිතීන් උගුල්
යෙදීම, රෝගි ශාක කොටස් විනාශ කිරීම හා බෝග මාරුව මගින්ද නිර්දේශිත කෘමි නාශකයක්
යෙදීමෙන්ද මෙම හානිය පාලනය කරගත හැකිය.
රෝග පාලනය
දම් පැහැ පුල්ලි රෝගය
මේරූ පත්‍රවල දම් - දුඹුරු පැහැති පැල්ලම් හට ගනී.
සිටුවීමට පෙර බීජ ප්‍රතිකාර කිරීම, බෝග මාරුව හා
නිර්දේශිත දිලීර නාශකයක් යෙදීමෙන් රෝගය පාලනය කරගත හැකිය.
අස්වනු නෙලීම
සිටුවා මාස 4 ½ දි පමණ අස්වනු නෙලීම
ආරම්භ කළ හැකිය. ගස්වල කඳෙහි ප්‍රමාණය අනුව ශේණි කර හොඳින් වාතාශ්‍රය ලැබෙන පරිදි
ලණු පැදුරු වැනි ද්‍රව්‍යයකින් ආවරණය කර මිටි බැඳ වෙළඳපොලට යවන්න.
අස්වැන්න
හෙක්ටයාරයකට මෙ.ටොන් 19-24
කවුපි වගා කරන ආකාරය
නියමිත කාලයට වගා කිරීම
වර්ෂා ජලයෙන් මහ කන්නයේ වගා කරන විට නොවැම්බර් මැදදී ද
යල කන්නයේ දී අප්‍රේල් මස ලැබෙන පළමු වැස්සත් සමඟම දා වගාව ආරම්භ කිරීම සුදුසුයි.
අස්වනු නෙළන අවධියේදි වියළි කාලගුණ තත්වයක් තිබිය යුතුය.
සුදුසු බිමක් තෝරාගැනීම
ජල වහනය හොඳින් සිදුවන බිමක් තෝරාගත යුතුය. පෙර කන්නයේ
රනිල භෝග වගා නොකරන ලද බිමක් නම් වඩාත් සුදුසුය.
බිම් සැකසීම
15-20 cm පමණ ගැඹුරට පස පෙරලා
කැට පොඩිකර ගත යුතුය. සමතලා භූමියේ හෝ වැටි හා කාණු ක්‍රමයට බීජ සිටුවිය හැක.
පොහොර යෙදීම කි.ග්‍රෑ/හෙ.
බීජ සිටුවීම
පේලි අතර පරතරය 30 cm හා පැළ අතර පරතරය 15cm
සිටින සේ බීජ සිටුවීම කල යුතුය. බීජ අවශ්‍යතාවය 35-40 කි.ග්‍රෑ./හෙ. පමණ වේ.
බීජ ප්‍රතිකාර කිරීම
සුදුසු දිලීර නාශකයකින් ග්‍රෑම් 4ක් බීජ කිලෝග්‍රෑම් 1කට
යෙදීම මගින් බෝගය දිලීර රෝගවලින් ආරක්ෂා කරගත හැක.
නිර්දේශිත ප්‍රභේද
රූපය
පැල තුනී කිරීම
සිටුවා සති 3 දී 6 දී පමණ එක ස්ථානයක එක පැළයක් සිටින සේ
පැළ ගලවා ඉවත් කළ යුතුය.
වල් මර්ධනය
සිටුවා සති 3දී 6දී වල් මර්ධනය කළ යුතුයි.
ජල සම්පාදනය
පළමු සති 3 තුළ දී දින 4කට වරක් හා පසුව දින 7 කට වරක්
ජල සම්පාදනය කල යුතුයි. මල් පිපෙන හා කරල් පිරෙන අවස්ථාවේදි ජල සම්පාදනය ඉතා
වැදගත් වේ. කෙසේ වෙතත් පසේ පවතින තෙතමනය අනුව ජලය සැපයිය යුතු අවස්ථාව තීරණය කළ
යුතුය.
අස්වනු නෙලීම
පිදුරු පැහැ වූ කරල් වාර කිහිපයකදී නෙලා ගත යුතුය.
නෙලාගත් කරල් අව්වේ වියලා ගෝනිවල රනිල ගුල්ලාගේ හානියට ගොදුරු විය හැකි නිසා වරින්
වර බීජ වියලීම කල හැක.
මැද කන්නයේ වගා කිරීම
මහ කන්නයේ අස්වනු නෙලා ගත් පසුව නැවත යල කන්නයේ වී වගාව
ආරම්භ කරන තෙක් මාස 2-3 ක පමණ කාලයක් කුඹුරු පුරන්ව පවතී. මෙම කාලසිමාව මැද කන්නය
ලෙස හැඳින්වේ. වියළි කලාපයේ බොහෝ ප්‍රදේශවල මහ කන්නයේ අස්වනු නෙලීම පෙබරවාරි මස දී
ආරම්භ වන අතර නැවත යල කන්නය සඳහා වගා කරන්නේ අප්‍රේල් මස අග දී පමණය.
කුඹුරුවල ගේෂ වී ඇති තෙතමනය සහ, මෙම කාලය තුළ දී
බලාපොරොත්තු විය හැකි අතරින් පතර ලැබෙන වැසි උපයෝගි කර ගනිමින් කෙටි කාලීන රනිල
භෝගයක් කුඹුරුවල සතුටුදායකව වගා කළ හැකි බව පෙනී ගොස් තිබේ. මෙම භෝගයේ නඩත්තුව
සඳහා වැඩි මහන්සියක් දැරීම අවශ්‍ය නැත. එහි අස්වැන්න වැඩි මුදලකට ඉතා පහසුවෙන්
අලෙවි කර ගත හැකිය. මෙම වගාව සඳහා තෝරා ගත යුත්තේ හොඳින් හෝ මධ්‍යස්ථ ලෙස ජලය
බැසයන කුඹුරු පමණි. කාන්දු වීම මඟින් ජලය ලැබෙන කුඹුරු ද යෝග්‍ය වේ.
දින 50-70 කදී පමණ කාලයක දී අස්වනු ලබා ගත හැකි කෙටි
කාලීන රනිල භෝග වර්ග මැද කන්නයේ වගාව සඳමා වඩා සුදුසුය.
වැඩි විස්තර සඳහා
අධ්‍යක්ෂ,
ක්ෂේත්‍ර බෝග පර්යේෂණ හා
සංවර්ධන ආයතනය,
මහඉලුප්පල්ලම.
දුරකථන/ ෆැක්ස් : 025-2249177/025-2249132
ඊ-මේල් : fmrc@sltnet.lk
කැරට් වගාවට කෘෂිකාර්මික උපදෙස් සහ තොරතුරු
ඩෝකස් කැරටෝවා Daucus carota
කුලය - අම්බලිෆරි
දේශගුණක අවශ්‍යතා
මුහුදු මට්ටමේ සිට මීටර්
1300 ට වඩා ඉහල එසේම උෂ්ණත්වය සෙ.ග්‍රේ. 15-18 පවතින ප්‍රදේශවල කැරට් බෝගය ඉතා
හොඳින් වගා කළ හැකිය. එසේ වුවද මීටර් 1300 වඩා පහළ හා මධ්‍යම ප්‍රදේශවලද සාර්ථකව
වගාකළ හැකි සමහර කැරට් වර්ග තිබේ.
පස
කැරට් වගාව සඳහා හොඳින් බිම
සකසා ගත යුතුය. සෙ.මී.20-30 ගැඹුරට සී සෑමෙන් හෝ කෙටීමෙන් පසු සියුම්ව පස සකස් කර
ගන්න. මීටර් 1 පමණ පළල පාත්ති සකසා ගැනීම මගින් වගා නඩත්තුව පහසු වේ.
නිර්දේශිත ප්‍රභේද
ටොප් වේට් (මාස 4)
කෝනාකාර හැඩයක් සහිත
අලය, තැඹිලි පැහැතිය.
කේප් මාර්කට් (මාස 3-3 ½)
සිලින්ඩරාකාර හැඩයක් ගන්නා
අලය,ලා කහ පැහැයක් ගනී.
නිව් කූරෝඩා (මාස 3-3 ½)
සිලින්ඩරාකාර හැඩයක් ඇති
අල, තද තැඹිලි පැහැයක් ගනී. දැනට ගොවීන් අතර වඩාත් ජනප්‍රිය වන්නේ නිව් කූරෝඩා
වර්ගයයි. මෙම වර්ගය උඩරට මෙන්ම පහතරට ප්‍රදේශවලද වගා කිරීමට හැකියාව තිබේ.
බීජ අවශ්‍යතාව
බීජ කි.ග්‍රෑ.4 ක් පමණ
හෙක්ටයාර් එකක් වගා කිරීමට අවශ්‍ය වේ.
සිටුවීමේ කාලය
කැරට් බීජ එකවරම
පාත්තිවල වැපිරිය යුතුය. මෙම වගාව සහ මහ කන්න දෙකෙහිම සිදු කල හැකිය. එසේ වුවද ජල
සැපයුම සහ අනෙකුත් පහසුකම් අනුව මහ කන්නයේදි වැඩි වශයෙන් වගාවේ.
පරතරය
කැරට් බීජ ක්ෂේත්‍රයේ
වැපිරීම ක්‍රම 2 කට සිදු වේ.
·
පාත්තිවල විසුරුවා හැරීම
·
පේලි ක්‍රමයට ඉසීම
(සෙ.මී.25 ×සෙ.මී.5)
බීජ පැලවී සති 3-4 කින්
පැල තුනී කිරීම අවශ්‍ය වන අතර, සති 8දි නියමිත පරතරයට සිටින සේ පැල තුනී කල යුතුය.
පේලි ක්‍රමයට බීජ වැපිරීම මගින් පැල තුනී කිරීම හා වගාව නඩත්තු කිරීම පහසු වේ.
පොහොර යෙදීම
හෙක්ටයාරයකට යෙදිය යුතු
රසායනික පොහොර ප්‍රමාණය පහත දක්වා තිබේ.
මීට අමතරව පාත්ති සකසා
ගන්නා අවස්ථාවේදි කාබනික පොහොර (ගොම පොහොර හෝ කොම්පොස්ට්) ටොන් 5-10 ක් පමණ
හෙක්ටයාරයක් සඳහා යොදන්න.
ජල සම්පාදනය
කැරට් පැලවල මුල් පද්ධතිය අවට මැනවින් තෙතමනය පවත්වා ගැනීමට ප්‍රමාණවත් වන ජල සැපයුමක් කල යුතුය. නියමිත ප්‍රමාණයට වඩා ජලය අඩු වුවහොත් අස්වැන්න අඩු වේ.
වල් පැලෑටි පාලනය
අතින් වල් නෙලීම හො වල්
නාශක භාවිතා කිරීමෙන් හෝ වල් පැල පාලනය කල හැකිය. මතුපිට පොහොර යෙදීමට කලින් වල්
නෙලීම කල යුතුය.
වල්නාශක ලෙස මෙට්‍රිබියුසින්
(සෙන්කර්) හෙක්.කි.ග්‍රෑ.0.35 බීජ පැලවීමට ප්‍රථමයෙන් පමණක් යෙදීම කළ හැකිය. මිශ්‍ර
වගාවකදී වල්නාශක භාවිතා කිරීම නොකල යුතුය.
රෝග හා පළිබෝධ පාලනය
කැරට් පත්‍ර අංගමාරය සහ
බැක්ටීරියා මෘදු කුණුවීම සාමාන්‍යයෙන් වැළඳෙන රෝග වේ. තඹ මිශ්‍ර දිලීර නාශකයක්
යෙදීමෙන් අංගමාරය වලකා ගත හැකිය. වැඩිපුර ජලය සැපයීමෙන් වැලකී සිටීමෙන් බැක්ටීරියා
කුණුවීම වලකා ගත හැක. නොයෙක් දළඹු වර්ග, මයිටාවන්, කූඩිත්තන්, වේයන් වැනි කෘමීන්
හානි නිර්දේශිත කෘමිනාශක යෙදීමෙන් පාලනය කල හැකිය.
අස්වනු නෙලීම
කැරට් අලවල ඉහල කොටස
සෙ.මී.2.5-5.3 පමණ විශාග වූ පසු නෙලා ගත හැකිය. කැරට් අලයට හානි නොවන ආකාරයෙන්
ගලවා ගත යුතුය.
අස්වැන්න
ඉතා හොඳින් නඩත්තු කල
වගාවකින් හෙක්.මෙ.ටො.30-35 වඩා වැඩි අස්වැන්නක් ලබාගත හැකිය.
පසු අස්වනු කටයුතු
කැරට් අල ගැලවීමෙන් පසුව
හොඳින් පිරිසිදු කල යුතුය. පිරිසිදු ජලයෙන් සෝදා වෙළඳපල වෙත යැවිය යුතුය.
බැක්ටීරියා විශේෂ අලවල රැඳී සිටීමෙන් කුණුවීම සිදුවිය හැකි නිසා සැලකිලිමත් විය
යුතුය.
වැල් දොඩම් වගාවට කෘෂිකාර්මික උපදෙස්
වැල් දොඩම් පැළ සිටුවීම හා නඩත්තුව
වලවල් සකසා ගැනීම
පරතරය
පැළ සිටුවීම
වර්ෂාකාලය ආරම්භවීමත්
සමඟ වෛරස් රෝග වලින් තොර නිරෝගි පැළ සිටුවන්න. පැළ සිටුවීමෙන් පසු අවශ්‍ය නම් සෙවන
සපයන්න.
කණු සිටුවීම
සෑම පැළ 2ක් අතරට එක
කණුවක් බැගින් සිටින සේ පැළ සිටුවා ඇති පේළියට සෙ.මී.30 (අඩියක්) පමණ ඉදිරියෙන්
මීටර් 2 ½ පමණ උස කොන්ක්‍රීට් කණු හෝ ලී කණු සිටුවන්න.
කම්බි ඇදීම
01. පොළව මට්ටමින් මීටර් 1 ¾ - 2 පමණ උසින්
02. ගේජ් 14 ප්‍රමාණයේ
ගැල්වනයිස් කම්බි යොදා ගත හැක. (කටු කම්බි භාවිතා කළ විට වැල තුවාල වේ.)
වැල් පුහුණු කිරීම
·
පාහින ලද පොල්අතු හෝ
දිගු කෝටු හෝ ලණු පටක් ඇදීම කළ හැක.
·
කම්බිය දක්වා තනි කඳක්
ලෙස පවත්වා ගන්න. (පාර්ශ්වික අතු සියල්ල
ඉවත් කළ යුතුය.)
·
වැල කම්බිය දිගේ
සෙ.මි.15ක් දික් වූ පසු අග්‍රස්ථ අංකුරය කඩා දමන්න.
·
පාර්ශ්වික අංකුර 2ක් ඇති
වූ පසු කම්බියේ එකිනෙකට විරුද්ධ දිශාවන්ට කම්බිය වටා ඔතමින් වැවෙන්න ඉඩ සලසන්න.
·
ආධාරක කණුව දක්වා හෝ
මී.2ක් පමණ දිගට වැවුණු පසු එහි අග්‍රස්ථය කපා දමන්න. මෙවිට ද්විතීක රිකිලි හට
ගැනීම හොඳින් සිදුවේ.
·
ද්විතියික අතු කම්බියෙන්
පහළට වර්ධනය වීමට සලසන්න.
·
පාර්ශ්වික අතු එකිනෙක
එතීම වැලැක්වීමට පහුරු කඩා දමන්න.
ජල සම්පාදනය
·
වියළි කාලගුණයක් පවතින
විට ජල සම්පාදනය කරන්න.
·
තෙතමනය ආරක්ෂාවට පරළයට
සෙ.මී.15 දුරින් කොහුබත්, වියළි තෘණ, වසුනක් ලෙස යොදන්න.
වල් පැලෑටි පාලනය
01. වගාව තුළ හෝ ආසන්නයේ ඇති
රනිල ශාක ඉවත් කරන්න. (සමහර රනිල වර්ග වැල් දොඩම් වෛරසයේ අන්තර් ධාරක ශාක වේ.)
02. වල් පැෂන්, වතු පැලු,
පොඩි සිංඤොමරන් ඉඩමේ වැවීමට ඉඩ නොදිය යුතුය. (වල් පැළෑටි මත කූඩිත්තන් ජනපද සාදන
නිසා වෛරස් රෝග පැතිරිය හැක.)
වගාවේ වල්පැළෑටි පාලනය
සඳහා වල්නාශක යෙදීම අතිශයින්ම අනතුරුදායකය, යොදන්නේ නම්, කොළ පැහැති කඳන්, පත්‍ර,
අතු සමඟ ස්පර්ශ නොවිය යුතුය.
පොහොර යෙදීම
තෙත් කලාපය
තෙත් කලාපයේ පැළ සිටුවන
විට මෙම පොහොර වලට අමතරව කීසරයිට්, එප්සම් සෝල්ට්, මැග්නීසියම් සල්ෆේට් එක පැළයකට
ග්‍රෑම් 50 බැගින් යොදන්න.
පොහොර යොදන විට පැළයේ
සිට සෙ.මී. 30-45 ඈතින් යොදා පස සමඟ කලවම් කරන්න.
කෘමි පාලනය
කූඩිත්තා - පත්‍රවල යුෂ
උරාබොයි. වෛරස් රෝග වාහකයකු ලෙස ක්‍රියා කරයි.
වැල් කපන කුරුමිණියා -
වැඩුණු පැළවල කඳ කපා බිත්තර දමයි.
රෝග පාලනය
01. වැල් දොඩම් වගාවේ වෛරස්
රෝගය
·
පත්‍ර ස්වභාවිකව විරූපී
වීම.
·
පත්‍ර හැකිලී කොඩවීම හා කහ
පැහැ විචිත්‍රයක් ඇති වීම.
·
පත්‍රවල කහපාට මෘදු
ආකාරයේ පුල්ලිද දැකිය හැකිය.
·
වැල්වල වර්ධනය බාල වේ.
ගෙඩි කුඩා වේ. ගෙඩියේ පිට පොත්තේ විචිත්‍ර ලක්ෂණද කහ හෝ කොළ තෙත් ස්වභාවයේ පුල්ලිද
දැකිය හැක. (පිටත නෙරාගිය ගැට වැනි ස්වභාවයක්)
පැතිරීම - කූඩිත්තන්
මගිනි
පාලනය - සුව කළ නොහැක.
කූඩිත්තන් පාලනය මගින් රෝගය පැතිරීම අඩු කර ගත හැකිය.
02. මුල් කුණු වීම
03. පත්‍ර පුල්ලි රෝගය
මල් කෘතිමව පරාගනය කිරීම
·
ගෙඩි සංඛ්‍යාව වැඩිකර
ගැනීම සඳහා වැදගත්ය.
·
පරාගනයට සුදුසුම වේලාව
ප.ව.1-6 දක්වා කාලයයි.
·
මලේ පරාගධානි මතුපිට ඇති
පරාග, කෙඳි සහිත බුරුසුවකින් හෝ මහපට ඇඟිල්ල සහ දබර ඇඟිල්ල ආධාරයෙන් කලංකය වෙත
මෘදුව තවරන්න.
·
පරාගනයෙන් පසු පැය 2ක
පමණ කාලයක්, වියළි කාලගුණයක් තිබිය යුතුය.
කප්පාදුව
·
අස්වැන්න නෙලා අවසන් වූ
පසු කළ හැකිය.
·
කම්බියෙන් පහළට වැඩෙන
පාර්ශ්වික අතු 2ක් අතර පරතරය සෙ.මී. 20 වන සේ, එකිනෙක ලඟින් වර්ධනය වන අතු ඉවත්
කරන්න.
·
පහළට වැඩෙන අතු, එකිනෙක
සමඟ එතීමට ඉඩ නොදෙන්න.
අස්වැන්න නෙලීම
කහ වර්ගය - මල් හටගෙන
දින 70 පමණ කාලයකදී
නිර්දේශිත දම්පැහැ වර්ගය
- මල් හටගෙන දින 90 පමණ කාලයේදි
ප්‍රධාන අස්වනු වාරය -
මාර්තු සිට අගෝස්තු දක්වා
·
අස්වැන්න නෙලීමට සුදුසු
අවස්ථාව - ගෙඩියේ පැහැය වෙනස් වීම අනුව සිදුකල හැක. ඇඟිලි තුඩින් සෙමින් වෙනස් වීම
අනුව සිදුකල හැක. ඇඟිලි තුඩින් සෙමින් ගෙඩියට තට්ටු කල විට ඇතිවන විශේෂ හඬ උපයෝගි
කරගන්න.
·
වියළි කාලගුණයක් පවතින
විට පමණක් අස්වැන්න නෙලන්න.
සැකසුම :
මල්කාන්ති තන්තිරිගේ (පර්යේෂන
නිලධාරි)
අයි. කලුබෝවිල (පර්යේෂන
නිලධාරි)
පලතුරු බෝග පර්යේෂණ හා
සංවර්ධන මධ්‍යස්ථානය කනන්විල, හොරණ
දු.ක : 034 2261323
